Woodbell & Anemone, Indigo – Morris & Co
38.229 kr. rúlluverð
Enski fjöllistamaðurinn William Morris, sem var í fararbroddi í list- og handíðahreyfingunni (Arts and Crafts) á 19. öld, er sérstaklega þekktur fyrir veggfóðurshönnun sína. Áherslur hans voru á náttúruleg form og lífræna hönnun fyrir almenning (fremur en aðalinn), með stílfærðum blómum, plöntum, fuglum og fleiri náttúrumótífum. Þessi mikli hugsjónamaður skildi eftir sig um 50 mynstur sem höfðu mikil áhrif á innanhússhönnun almennt, t.d. gætir áhrifa hans greinilega í Art Nouveau stílnum í byggingar-, nytja- og málaralist á 20. öld. Fingraför Morris eru greinileg í mynsturgerð enn þann dag í dag, enda hefur hann oft verið nefndur faðir veggfóðursins.
Morris & Co. X The Huntington – The Unfinished Works, er einstök hönnunarlína sem byggir á skissum William Morris og listræns stjórnanda hans, John Henry Dearle. Þessi mynstur hafa nú verið endurlífguð og fullgerð í samstarfi við Huntington Library, Art Museum og Botanical Gardens í Kaliforníu.
Woodbell & Anemone mynstrið sýnir falleg oddbogaform, byggð upp af anemónum sem eru umkringdar bláklukkum. Mynstrið var unnið upp úr lítilli skissu úr fórum Morris og fullgert í ríkulegri litapallettu. Veggfóðrið er prentað með tækni sem býr til svipaða áferð og útlit og upprunalega blokkprentið og gerir mikið fyrir þetta skemmtilega mynstur.
Athugið að mælt er með að setja límið á bakhlið veggfóðurs, ekki beint á vegginn. Þrífið límbletti af með hreinu vatni og mjúkum svampi ÁÐUR en límið þornar. Lesið leiðbeiningar vel eða fáið fagmann í verkið.
Í boði sem biðpöntun
WX204-2600 Ripple veggþiljur 
Farini Jade - Arte 
Benoe Cloth - Arte 
Pandan Sand - Arte 
Maja Clay - Sandberg 
Campo Clay - Arte 
R31 rósetta 
Lin Flax - Arte 
Daisy, Artichoke/Plaster - Morris & Co 
Terre de Lin Tweed - Arte 
Erik, Spring Green - Sandberg 
CB500 loftalisti